Ұлы Отан соғысы туралы естелік біздің жүрегімізде өмір сүреді

2025 жылдың 8 мамырында мектеп саябағында Ұлы Жеңістің 80 жылдығына орай батырлар рухына гүл шоқтарын қою бойынша салтанатты рәсім өтті. Құттықтау сөздерін мектеп директоры Касенова З.Е., Ауған соғысы ардагерлер кеңесінің төрағасы Жумабаев С.С., еңбек ардагері Сексенбаева Ж.Б. айтты. Сондай-ақ шараға ата-аналар қауымдастығы, педагогтар, мектеп түлектері, «Азамат» кадет қозғалысының оқушылары мен мектептің педагогика ардагерлері қатысты. Рәсімге қатысушылар ұрыс даласында қаза тапқандарды, тыл еңбеккерлерін және Жеңісті жақындату жолында орасан зор күш жұмсағандарды бір минут үнсіздікпен еске алды. Ардагерлерге алғыс сөздері айтылып, олардың ерліктері қазіргі ұрпақ үшін адамгершілік үлгісі болып қала беретіні атап өтілді. Ресми бөлімнен кейін қатысушылар ескерткішке гүлдер мен гүлшоқтарын қойды. Қып-қызыл қалампырлар — жадымыздың, құрметіміздің және ризашылығымыздың символына айналды. Соғыс туралы әндер мен өлеңдер шараға ерекше тебіреніс пен мақтаныш сезімін ұялатты. Рәсім бейбітшілік, амандық және бірлік туралы ақжарма тілектермен аяқталды. Ұлы Отан соғысының естелігі жүрегімізде мәңгі сақталады — мұндай шаралар оны болашақ ұрпаққа жеткізуге көмектеседі.