БҰЛ ҚЫЗЫҚ! Сыбайлас жемқорлыққа қарсы еріктілердің жұмысы туралы

Сыбайлас жемқорлыққа қарсы қызмет «Заң және тәртіп» қағидатын ілгерілету шеңберінде тұрақты негізде жұмыс жүргізеді.

«Сыбайлас жемқорлыққа қарсы волонтерлік» жобасы Қазақстанда қоғамдық бақылауды күшейтудің маңызды және тиімді құралына айналды.

Еріктілер жол құрылысының мониторингіне, өзекті әлеуметтік мәселелерді шешуге және бюджет қаражатының тиімсіз жұмсалуын болдырмауға белсенді тартылуда.

Осы жоба шеңберінде волонтерлер қатарына 2,4 мыңға жуық адам кірді, олар бюджет қаражатын жұмсау тиімділігіне және өңірлердің проблемалық мәселелеріне мониторинг жүргізеді, сыбайлас жемқорлыққа қарсы іс-шараларды ұйымдастыруға, жемқорлыққа қарсы тақырыпта әлеуметтік роликтер жасауға және т.б. қатысады.

Жобаны іске асыру басталғаннан бері барлығы 64 мың азаматқа құқықтық кеңес берілді, оның ішінде өткен жылы – 46 мыңнан астамы.

Қоғамдық бақылау шеңберінде еріктілер әлеуметтік нысандар, «ұзақ құрылыстар» және басқа да маңызды инфрақұрылымдық объектілер құрылысының сапасына 1 мыңнан астам мониторинг жүргізді.

Балалар үйлерінде тәрбиеленетін балаларды медициналық ұйымдарға электрондық үкімет порталы (Түркістан облысы) арқылы бекіту проблемаларын анықтау тәжірибесін оң деп атап өткен жөн.

Бұрын порталда тиісті функционал болмаған, бұл ақылы негізде тексеруден (МРБ, УДЗ, ЭКГ, талдаулар тапсыру және т.б.) өту үшін медициналық мекемелерге жүгіну қажеттілігін тудырды (бір балаға жұмсалатын шығыстар шамамен 80-100 мың теңгеге жетуі мүмкін).

Портал пысықталғаннан кейін ғана бұл мәселе шешілді (18 жасқа дейінгі балаға, оның ішінде қорғаншылық пен қамқоршылықтағы балаға «заңды өкіл (әрекетке қабілетсіз немесе әрекетке қабілетті кәмелетке толмағандарға)» деген бөлімдер қосылды.

Осылайша, волонтерлік қызмет әлеуметтік маңызы бар бұзушылықтарды анықтауға және жоюға ықпал етіп, мемлекеттік билік органдары жұмысының ашықтығын қамтамасыз етеді және азаматтардың құқықтарын қалпына келтіреді.

Еріктілер жемқорлыққа қарсы жүргізіліп жатқан саясатқа қоғамдық бақылау мен қоғамның сенімін нығайтуда маңызды рөл атқарады.

Жалпы, бұл жұмыс 15 млрд теңге сомасына асыра бағалау тәуекелдерін болдырмауға мүмкіндік берді.

https://www.gov.kz/memleket/entities/anticorruption/press/news/details/943148?lang=kk