БҚО кәсіподақ активімен тәжірибе алмасу бойынша кездесу барысында Атбасар қаласында ФИТНЕС залының салтанатты ашылуы өтті

Облыстық кәсіподақ ұйымының төрағасы Марат Даупаев бастаған Батыс Қазақстан облысының Білім және ғылым қызметкерлері кәсіподағының делегациясы Нұр-сұлтан қаласы мен Ақмола облысына жұмыс сапарымен барды.

Сапар соңында Атбасар қаласының № 3 жалпы білім беретін мектебінде мектеп мұражайына экскурсия болып, дөңгелек үстел өткізілді. Іс-шара барысында педагогикалық қызметкерлерді аттестаттау бойынша практикум өткізіліп, барлық қонақтар белсенді қатысты. Сонымен қатар, "халық бюджеті" кәсіподақ жобасының ережесі бойынша ДДҰ-ның "Салауатты жұмыс орындары: іс-әрекетке үлгі" бағдарламасы негізінде фитнес залының салтанатты ашылу рәсімі және Қазақстандық салалық білім және ғылым қызметкерлері кәсіподағының төрайымы Айгүл Мұқашева лентаны қиды.

Кәсіби актив қатысушыларының айтуынша, тәжірибе алмасу бойынша кездесулер жоғары деңгейде өтті және алынған тәжірибе одан әрі кәсіподақ қызметін дамыту үшін қолданылатын болады.

Батыс Қазақстан облысының баспасөз қызметі мен Білім және ғылым қызметкерлер кәсіподағы.